Iraila, 2009

‘Bailarinas’ eskulturaren zaharberritzea, abian dagoena, urriaren erdialdera bukatzea aurreikusten da.

Euskadi plazan, Santa Katalina zubia eta Frantziako pasealekua elkartzen diren puntuan kokatuta dago “Bailarinas” eskultura. Egile ezezaguneko eskultura honek, marmolezkoa, kokapen ezberdinak izan ditu hirian. XX. mendeko lehen laurdenekoa da eta jatorrian Alderdi Ederren jarri zuten. Ondoren, Boulevard eta Hernani kalearen izkinean jarri zen eta 1995ean, Euskadi plazaren eraberritzearekin, gaur egun dagoen lekura ekarri zuten.

Azken urteotan hainbat kalte jasan ditu eta, hori dela eta, beharrezkoa zen zaharberritzea aditu bati egitea eskatu dio San Telmo Museoak.

Irekita dago 2009-2010 ikasturtean San Telmo Museoak eskaintzen dituen programa didaktikoetan parte hartzeko izena emateko aukera.

Aurten ere bi ildo nagusi landuko dira. Alde batetik, museoa itxita dagoela eta kalean burutzen diren Kalejira I eta Kalejira II programak egin daitezke, hiriaren historia, bilakaera eta eraikinak ezagutzeko aukera ematen dutenak. Bestetik, Urgull Mendiari lotutako eskaintzak daude, bai Historiaren Etxean ikusgai dagoen “Donsotiari begira” erakusketari lotutakoak, baita mendia bera hobeto ezagutzeko prestatutakoak ere.

Bietarako izena ematea museoaren webgunearen bitartez egin daitezke, bertan aurki daitekeen izenemate orriaren bitartez.

Ikastetxe batetik ez datorren bisitariak ere Urgullen erakusketaren bisita eta mendiarena eska ditzake 943-428417 telefono zenbakira deituta, gutxienez zortzi laguneko taldea osatuz gero.

Zurriolako Pasealekua Manolo Valdés artistaren eskultura monumentalei esker aire zabaleko arte galeria bilakatuta ikusiko dugu “la Caixa”k Donostiako Udalarekin egindako akordioari esker, urriaren 13a arte.

Valdésen 17 pieza erraldoi daude bertan ikusgai eta hauetara haurrekin hurbiltzen direnek Donostia Turismoaren Boulevarreko bulegoan eta San Telmo Museoaren behin behineko egoitzan (Andereño Elbira Zipitria, 1) pista joko bat dute eskuragarri.

54.611 pertsona hurbildu dira aurtengo udan zehar Urgull mendiko eskaintzaz gozatzera. Uztaila eta abuztuan, ohiko hiru guneei: Udako Liburutegia, Natur Txokoa eta Historiaren Etxea, aurten Napoleonen Bolborina gehitu zaie arreta gune berri gisa, kanoien zaharberritzea dela eta. Guztiek bisitari eta programatutako jardueratako parte hartzaile kopuruan gora egin dute.

Autobus zerbitzuak ere –irailean oraindik asteburutan mantentzen dena- nabarmen egin du gora erabiltzaile kopuruari dagokionean.