Gaurtik aurrera, urriaren 1a Urgulleko Motako gazteluan ikusgai dagoen Donostiari begira erakusketaren ordutegia aldatu egin da.
Udaldia amaituta, Historiaren Etxean bisitari asko izan diren garaia, hau da indarrean jarri den ordutegia:
-Asteartetik ostiralera: 10:00-14:00 / 15:00-17:30
-Asteburu eta jaiegunetan: 10:00-17:30
-Astelehenetan itxita
Publiko orokorrarentzat irekita mantentzeaz gain, Urgullen inguruan egingo den eskaintza didaktikoak San Telmo Museoarena osatuko du, eta erakusketa edota mendia ikusteko bisitak badaude ere partikularrentzat, gutxienez 8 laguneko taldea osatuz gero. Harremanetarako: 943 428417 telefono zenbakia.
San Telmo Museoak 86 pieza maileguan utzi ditu hilaren 30ean Ordiziako Barrena Kultur Etxean inauguratuko den erakusketan jartzeko. Erakusketa hau, “Enirio Aralar 600 urte” titulua duena eta mankomunitate honen 600 urteak direla eta egiten dena, azaroaren 11 arte ikusgai izango da astelehenetik larunbatera bitartean, 18:00etatik 20:00etara. Data horren ondoren mankomunitatea osatzen duten gainontzeko herrietara joango da. Barrenara hurbiltzen denak mankomunitateari berari buruzko aspektuak ezagutzeko aukera izango du, hala nola Aralar mendilerroaren izaeraren ingurukoak ere: ekosistemak, baliabide naturalak, meategiak, baso eta abelzaintza, gizakien presentzia…
