Urtarrila, 2010

San Telmo Museoak, 2009an, gogoz indartu du bere bildumak handitu eta osatzeko lana, eta ildo honetan garrantzia berezia izan dute jasotako dohaintzek. Izan ere, urtean zehar 1.131 pieza jaso ditu museoak dohaintzan, bere fondoetako bildumatan dituen gabeziak gainditzeko eta erakusketa iraunkor berria osatzeko baliagarri izango direnak. Emaileak partikularrak, enpresak, dendak eta erakundeak izan dira eta gutziei eskerrak ematen dizkie museoak. Bildutako objektuen artean XX. mendean eguneroko bizitzan erabiltzeko egindakoak azpimarra daitezke.

Amaitu berri dute San Telmo Museoaren elizan aurkitutako XVI. mendeko pinturen zaharberritze prozesua. Pintzeladura hauek museoaren eta eraikuntzaren balioa areagotzen dute, hala nola, hiriaren beraren ondarea, Gipuzkoan ez baitaude garai honetako pinturak mantentzen dituzten eliza asko, eta horregatik Donostiako Udala eta museoa bera egin beharreko ahaleginaren garrantziaz jabetu dira.

2008ko bukaeran laginak egin ziren elizako hormetan pinturak egon zitezkeelakoan, eta hala zela konfirmatu ondoren 2009ko udan hasi zen zaharberritze prozesua.

Sei hilabetetan zehar Artelan enpresako hamar pertsona aritu dira lanean buru belarri eta abenduaren 31rekin amaitutzat eman den prozesuaren ondoren pinturen %30a erreukperatzera iritsi dira.

Aurkitutako pintzeladuren kalitatea dela eta, museoa EHUko Pedro Etxeberria irakaslearekin harremanetan jarri da hauen ikerketa sakon bat burutu dezan eskatzeko, jadanik abian dagoen ikerketa.

Pinturak aldarearen gangetan, aldare alboko lunetoetan eta alboko paramentoetan daude.