Azaroa, 2010

Nieto y Sobejano Arquitectos estudioak, San Telmo Museoko birgaitze eta zabaltze proiektuaren egileak, Kordobako Madinat al Zahrako Museoko proiektuagatik Arkitekturako Aga Khan sari bat jaso dute. Sari hauek hiru urteoro banatzen dira 1977an sortu zirenetik, musulmandarrek presentzia esanguratsua duten gizarteetan arkitektura edo hiri ingurunean eragina duen beste eskuhartzeetan bikaintasuna sustatzeko helburuarekin. Munsuan dauden arkitektura sarien artean garrantzitsuenetako bat da, nazioarteko epaimahai batek hiru urtean behin banatzen duena. Doha-ko (Qatar) Islamiar Arte Museoan egindako sari banaketan beste lau herrietako eraikin ere izan ziren sarituak.

Argazkian Kordobako Madinat al Zahra Museoko patio nagusia. (Foto ©2009 Roland Halbe).

San Telmo Museoa urrian Londresen egindako Museoen Sare Europarraren batzarrean, Muscon_2010, izan da. Batzarra Vitra Design Museum, Victoria&Albert Museum eta Londresko Design Museum-ek antolatu dute.

MUSCON nazioarteko erakusketen elkartrukaketa bultzatzeko, museoen arteko harremanak sortzeko eta nazioarteko erakusketa ibiltarien ekoizpenean lankidetza sustatzeko helburuak dituen plataforma da.

Londresko batzarrean 50 museotako 80 pertsonak parte hartu zuten.

Bertan azaldutakoen artean, MUSCON Sherp online plataformaren aurkezpena azpimarra daiteke, erakusketa ibiltariei buruzko informazioa biltzen duena eta museoei bere erakusketak ere bertan jartzeko aukera ematen diena.

Laburbilduz, museoen arteko sarelana bultzatzea, erakusketen ekoizpen gastuen murrizketa eta elkarlanerako ildo berriak sortzea helburu dituen topaketa.

Udazkenero bezala, Aranzadi Zientzia Elkarteko Etnografia Sailak hitzaldi zikloa antolatu du, Kutxaren Arrasate kaleko aretoan.

Aurtengo programazioaren barne, San Telmo Museoko zuzendari Susana Sotok parte hartuko du bihar, osteguna, 19:30ean hasita, honako hitzaldiarekin: “San Telmo: la renovación de nuestro museo”.

Sarrera librea da eta ez da aldez aurretik izena eman behar.

Datorren urtean San Telmo Museoa berriro irekiko da berrikuntza prozesua burutu ostean. Etapa berri honetan museoa kultur eta ondare zentro izango da, gipuzkoar eta euskal publikoa bereziki kontutan hartuko ditu eta turismo, hezkuntza eta kultura-aisialdiari zuzenduko zaie hauen beharrei erantzun asmoz.

San Telmo, bestalde, museo mota berri bat da, gizarte museoa, Euskal Herriko museoen artean erreferentziazko zentro bilakatuz eta gizarte museo gisa aintzat hartzen dituen gaiei buruzko ezagutza hedatuz, bere jardunari esker.

Gainera, San Telmo aldi baterako erakusketen nazioarteko zirkuitoan sartzen da, bere eskaintza eta izaera berriarekin bat datorren dimentsioa hartuz.

Bai San Telmok eta baita Kutxak ere museoak izango duen paper garrantzitsua argi ikusten dute, kultur eragile berezia bezala, hiritarrei zuzendutako kultur espazioa izango baita, ezagutza hedatzeko eta konpartitzeko gune aproposa, etorkizunari ere begiratzen diona egungo gizartearen erronkei erantzuteko hausnarketa proposatuko duena.

Kalitatezko eskaintza kultural berri honekin bat egiteko asmoz Kutxak San Telmoren proiektuari bere babesa eskaini nahi dio hitzarmen honen bitartez. Horregatik, datozen bost urteotan museoaren PATRONO PRIBATUA izango da Kutxa Fundazioa, eta urtero 70.000 euroko laguntza emango dio museoari bere kultur proiektua eta bere helburuak lortzeko beharrezkoa duen jarduna aurrera eramateko.