Caracaseko Kopiatzailea orain ere formatu digitalean
San Telmo Museoak Caracaseko Kopiatzailea koadernoa digitalizatu du, garrantzi handiko pieza hau musoko “Aztarnak Oroimenean” erakusketan dago ikusgai.
Formatu handiko koaderno honek 953 orri ditu eta Caracaseko Erret Konpainia Gipuzkoarrak 1781-1782 bitartean jasotako komunikazioak biltzen ditu. Historia, ontzi-arloa, komertzioa edota politikari buruzko dituen datuak balio handikoak dira Gipuzkoako historia ezagutu ahal izateko.
Gipuzkoako hainbat akziodunek Venezuelako kakaoaren merkatua kontrolatzeko Donostian sortu zuten enpresa zen Caracaseko Erret Konpainia Gipuzkoarra, “La Guipuzcoana” bezala ere ezagutua. Izan ere, konpainia hau izan zen, besteak beste, Donostiako alde zaharrean dagoen Santa Maria elizaren sustatzaile nagusia.
Pieza honen digitalizazioari esker, bisitariak liburu honetan jasotako informazioa kontsultatu ahal izango du museoan bertan, San Telmo Museoko artxiboaren bidez.
1 iruzkin
Iruzkin bat utzi
Iruzkin bat bidaltzen duzunean, betiko baimen bat ematen diguzu zure hitzak, zure izena eta zure webgunea argitaratzeko. Administratzaileak iruzkin desegokiak ezabatuko ditu.
Albiste honen erantzun guztiak jarraitu ditzazkezu, RSS 2.0
Interesgarria izango litzateke santelmoko orrian zintzilikatzea (artxibo digitala-n hain zuzuen ere)