Erakusketak

San Telmo Museoak Gipuzkoako Historiaurreari buruzko erakusketa zabaldu du urtarrilaren 15era arte. Erakusketa Aranzadi Zientzia Elkartearekin batera egin da, Gipuzkoako Foru Aldundiaren babesarekin eta Ekainberriren laguntzaz. Helburua arkeologiaren alorrean eginiko ikerketak azaltzea da, XIX. mendean  hasi eta, pasoz pauso, gaur eguneko diziplina arteko ikerketetara iritsi arte. Honetaz gain, “Historiaurrearen abentura Gipuzkoan” erakusketak ibilbide honetan parte hartu dutenak ere gogora ekarri nahi ditu, eurak egindako lanari esker Gipuzkoako ondare historiko eta kulturala aberastu egin baita.

Erakusketarekin batera hainbat jarduera programatu dira, horien artean atzo museora Juan Luis Arsuaga ekarri zuten XII. Arkeologia Jardunaldiak, gaur 19:30etan euskarazko Alvaro Arrizabalagaren hitzaldiarekin jarraituko dutenak: “Paleolitoa eta ehiztari taldeak Gipuzkoan”. Bestelako jarduerak ere antolatu dira, esaterako bihar bertan martxan jarriko diren larunbatetako familientzako tailerrak (informazio gehiago hemen), hala nola bisita gidatuak, eta eskola eta taldeentzako programak.

Gaur goizean aurkeztu da (FAB)BOTS. Diseinu eta fabrikaziorako makina eta robot pertsonalizatuak erakusketa, Bartzelonako Disseny Hub-ek ekoiztua. San Telmo Museoko Laborategia gunean irailaren 11ra bitartean ikusgai izango dena.

Erakusketa hau aurkezteko prentsaurrekoan parte hartu dute Marta Malé-Alemany-k, komisarioak; Eva Joan-ek, Disseny Hub-eko kanpo Harremanetarako arduradunak (biak irudian); Antton Azpitartek, Donostia Kulturako zuzendariak; eta Carmen Garmendiak, San Telmo Museoko Aldi Baterako erakusketen arduradunak.

Honekin, Laborategia guneko jarduerei hasiera ematen zaie. Bertan, erakunde ezberdinekin lan egingo du museoak mota askotariko proiektuetan.

Erakusketari buruzko informazio gehiago, hemen.

Datorren asteazkenean, ekainak 1, San telmo Museoan abuztuaren 21era bitartean ikusgai dagoen erakusketaren errealizazioa nolakoa izan zen gertutik ezagutzeko aukera izango da, Baptiste Rouget-Luchaire-ren hitzaldiari esker.

Museoko ekitaldi aretoan egingo da hitzaldia, 20:00etan hasita, eta bertan, munduan zehar milaka lagun elkarrizketatzera eraman duen GoodPlanet Fundazioaren eta Yann Arthus-Bertrand-en proiektuaren nondik norakoak ezagutzera emango ditu bere egileetako batek. Izan ere, erakusketa osatzeko 78 herrialdeetan barrena 5.600 pertsona baino gehiagok 40 galderako galdeketari emandako erantzunak bildu dira.

Hitzaldia frantsesez izango da, euskara eta gaztelerazko itzulpenarekin. Sarrera librea izango da, lekuak bete arte.

Argazkiaren copyright-a: Florian Geyer/6 milliards d’Autres/ GoodPlanet

Hauxe da Kutxaren Boulevard Aretoetan San Telmori buruz ikusgai dagoen erakusketa bisitatzeko azken astea. Izan ere, “San Telmo Museoa. Zatoz ezagutzera” titulua duen erakusketa hau igandera arte (irailak 5) irekita izango da.

Museoaren historia, berritze arkitektonikoa eta berrikuntza proiektua azaltzen ditu erakusketak hiru solairutan. Argazkian, bisitarien iradokizun eta ideiak jasotzeko `prestatu dugun txokoaren irudia, non ekarpen interesgarriak biltzen ari garen.

Erakusketak doako sarrera du eta ordutegia honakoa: 11:30-13:30 eta 17:00-21:00.

Informazio gehiago Kutxaren webgunean eta San Telmoren webgunean.

Gaur inauguratuko da “San Telmo Museoa. Zatoz ezagutzera” erakusketa. Kutxaren Boulevard aretoetan aurkezten den erakusketa honek San Telmo Museoaren berrikuntza proiektua eta prozesua azaltzen ditu, eta baita nolakoa da 2011n berriro ateak irekiko dituen museoa, Euskal Gizartearen eta Herritarren museo gisa. Aretoen egitura baliatuz -hiru solairuetan banatua- erakusketaren edukiak ere horrela antolatu dira bisitariak berritze prozesua ondo jarraitu ahal izateko.

Behe solairuan mendea betea duen museo honen historiari errepasoa egiten zaio: bildumak, museoan burututako ekitaldiak, erakusketak, jarduerak, bilakaera eta azkenik, berritzeko beharra eta lehen proiektuak.

Zero solairuan Nieto Sobejano arkitektura estudioaren proiektua azaltzen da, eta eskuhartzearen gakoak: eraikin historikoaren zaharberritzea eta errekuperazioa, museoaren zabaltzea eraikin berriaren bitartez, bere fatxada berezia eta museoko barne espazioen antolaketa.

Lehen solairuan, San Telmo berria zertan datzan azaltzen da, bai eta definizio horretara iristeko egin den lan prozesua: diskurtsoaren eraketa adituen laguntzaz, erakusketa iraunkorra, erakundearen ondare eta kultura proiektua, bere helburuak eta asmoak. Erakusketaren solairu honetan, gainera, museoaren publikoak zeintzuk izango diren azaltzen da, eta horrekin batera bere burua bertan islatua aurkitzen ez duen edozein pertsonak bere ekarpena egiteko aukera dago, publiko espektro hori aberastuz.

Ordutegia, egunero 11:30-13:30 eta 17:00-21:00, eta sarrera dohainik.

Informazio gehiago Kutxaren webgunean eta San Telmo Museoaren webgunean.

Hormigoizko diseinuak erakusketa kolektibo honek material honekin egindako dekorazio piezak biltzen ditu, mahaiak, aulkiak, lanparak, bitxiak… baita testura, kolore eta amaiera anitzeko beste zenbait objektu ere.

Bertan erakusten den obra bakoitzak artistaren araberako linea pertsonala eskaintzen du, guztiak kontu handiz eta soiltasunez egindako pieza bakarrak izanik.

Horien artean Álvaro Ledesma eskulturgile eta margolari euskaldunaren mahai bat dago besteak beste.

Erakusketa honek hormigoia, denbora luzean zehar estetika urbano eta post-industrial bati lotua egon dena, material ultramoderno gisa aldarrikatu nahi du, arkitekturari eta diseinuari forma ematen laguntzen diona, batez ere bere azken berrikuntza teknologikoen ostean. Erakusketa ekainaren 13rarte egongo da ikusgia Museum Cemento Rezolan, asteartetik igandera, 10:00etatik 14:00etara.

Dokumentuen artean nabarmentzekoak dira akuarelen koaderno bat, orain arte argitaratu gabea; Britainiako boluntario liberalen litografiekin osatutako album batzuk; eta azkenik, lehen aldiz, Charles Henningsen boluntario karlistaren akuarelak.

Erakusketan bildutako irudi eta dokumentu guztiak, Gipuzkoako Foru Aldundiaren bildumakoak dira eta Ondare eta Kultur Sustapen eta Hedapeneko Zuzendaritzaren elkarlanaren fruitu da, izan ere, erakusgai dauden dokumentuak, Zumalakarregi museoan eta artxiboetan gordeta bait daude.

Erakusketa hau apirilaren 30 arte zabalik izango da Koldo Mitxelena Kulturuneko Ganbaran, asteartetik larunbatera 11:00-14:00 eta 16:00-20:00etara.

Con motivo del 10º aniversario de su inauguración, el Museo Chillida-Leku ha inaugurado Zabalaga, poesía y construcción, una exposición fotográfica que narra la historia de la reconstrucción del caserío Zabalaga a partir de las imágenes de Giuliano Mezzacasa (Italia, 1938). Con su cámara, el fotógrafo ha sabido captar la personalidad del edificio y la poética implícita en el proceso de trabajo del escultor. Poesía y construcción son igualmente ingredientes de las imágenes de Giuliano Mezzacasa. Testigo directo de la reconstrucción de Zabalaga, el fotógrafo tuvo la oportunidad de retratar el proceso en total libertad. Unas fotos del Peine del Viento realizadas en 1977, justo después de la instalación, propiciaron que el escultor le invitara a la finca de Zabalaga, primero a fotografiar las esculturas que aquí se encontraban a la espera de viajar a sus próximos destinos, y luego, cuando en 1993 se empezó la reconstrucción, pudo seguir muy de cerca la rehabilitación del edificio.

Las imágenes que componen la exposición han sido seleccionadas por el propio fotógrafo, escogiendo lo que más le atrae pero respetando la cronología de la recuperación del caserío que muestra lo más representativo a sus ojos de cada momento. Se puede visitar en Chillida-Leku hasta el 24 de mayo.

Chillida-Leku inauguratu zela 10 urte betetzera doaz, eta, ospakizun gisara, Zabalaga, poesia eta eraikuntza erakusketa antolatu du museoak. Zabalaga baserria berreraikitzeko lanen historia kontatzen duen argazki erakusketa bat da, Giuliano Mezzacasaren irudietan oinarritua (Italia, 1938). Izan ere, kamera eskutan hartu eta ezin hobeto islatu ditu argazkilariak bere irudietan eraikinaren nortasuna eta eskultorearen lanari atxikitako poetika. Poesia eta eraikuntza Giuliano Mezzacasaren irudien osagaiak ere badira, era berean. Zabalagaren berreraikuntzaren zuzeneko lekukoa izan zen Mezzacasa, eta aukera izan zuen prozesua erabateko askatasunez argazkitan jasotzeko. 1977an Haize Orraziari ateratako argazki batzuei esker, lan hura bere kokalekuan instalatu eta denbora gutxira, eskultoreak Zabalagara joateko gonbita egin zion, hasieran, kokalekura eraman aurretik baserrian zain zeuden eskulturei argazkiak atera ziezazkien, eta aurrerago, 1993an berreraikuntza hasi zenean, eraikinaren birgaitze lanei bertatik bertara jarrai ziezaien.

Erakusketako irudiak argazkilariak berak hautatuak dira; erakargarrien iruditzen zaizkion argazkiak aukeratu ditu, baina baserria lehengoratzeko lanen kronologia errespetatuta, betiere, eta unean uneko ezaugarri adierazgarrienei erreparatuz. Erakusketa Chillida-Leku museoan ikus daiteke maiatzaren 24a bitartean.

Urgullen kokatutako Historiaren Etxeak (Motako Gaztelua) maiatzak 2tik aurrera ordutegi zabalagoa izango du eta horrela mantenduko da irailaren 14ra bitartean.

“Donostiari begira” erakusketa, beraz, maiatzaren 2tik irailaren 14ra bitartean goizeko 11:00etatik arratsaldeko 20:00etara ikusi izango ahal da, asteko egun guztietan, astelehenetik igandera (salbuespen bakarra estropada igandeak izango dira).