Basque & Oresund Connection tailerra San Telmo Museoan

Basque & Oresund Connection Gizarte Berrikuntza Tailerra burutzen ari da gaur San Telmo Museoan Oxfordeko Unibertsitatea eta Ikerbasque-tik garatzen ari den proiektu baten baitan.

Euskal eta suediar/danimarkar erakundeetako gizarte zientzilari eta ekintzaileek bateraturik, Gizarte Berrikuntzako tailer batean lan egingo dute elkarrekin. Donostian proiektuak partekatuz, krisia gainditzeko europar bi eskualdeen lankidetza bidez, gizarte zibila aktibaraztea du xede nagusi tailerrak. Elkarren artean jorratuko diren proiektuak esparru ezberdinekoak izango dira, besteak veste: energía, nazioartea, ekonomia, komunitateak eta kultura.

Tailerrean, euskal delegazio batek hartuko du parte honako proiektuak aurkeztuz: DSS2016, GoiEner, NikMashUp, Bagara, Innobasque, etab. Eta bestalde, suediar/danimarkar delegazio bat ere izango da: Malmö, Lund, Transition Suedia, Copenhagen Business School, etab.

Tailerra, Igor Calzada doktorearen zuzendaritzapean eta iniziatibaz aurkezten da, Oxford-eko Unibertsitate eta Ikerbasque-eko kide gisa egun garatzen ari den proiektu zabal baten barruan Euskal Hiria eta  City Regions.

Arte Ochenta, 8 artistas en papel, Donostia 1854, Paul Tillac, Beulas… San Telmo Museoa berrireki aurretik bertan egon ziren erakusketa batzuren izenak dira. Gaur Liburuaren Nazioarteko Eguna dela eta, museoak bisitariei erakusketa haien katalogoak oparitzeko Disfrutatu liburu batez ekimena jarri du martxan.

Klaustroan jarri den karpa batean egongo dira ikusgai liburu guztiak asteartean. Asteazkenetik aurrera, eta apirilaren 28ra arte, igandea, ekimena museoko harrerara aldatuko da. Hor stand txikiago bat jarriko da liburuak kontsultatu eta hartzeko.

Hiritar talde batek Richard Oriberi omenaldia egin dio eta horren harira egindako ekintzen artean San Telmo Museora bisitan etorri dira. Txapeldun olinpikoa bere entrenatzaileaz, familiaz eta lagunez  inguratuta ere egon da. Denek elkarrekin museora bisita gidatua egin dute.

Azaroaren 16an zabalduko da erakusketa eta dagoeneko hasi da forma hartzen. Arotzak, arkitektoak eta argiketariak dabiltza batetik bestera. Aretoan pilatuta daude koloretako bolak, ikasgeletako aulki zaharrak eta besaulkiak, beren lekua noiz emango dioten zain. Baina zertarako izango ote dira?

Badu Badaren muntaia

“Euskararen egiazko misterioa iraupena da, ez jatorria” idatzi zuen Koldo Mitxelenak. Misterio hori da Badu Badaren ardatza: euskararen iraupena. Hori abiapuntu hartuta, mundu eleanitzaz eta hizkuntzen arteko bizikidetzaz hausnartu eta eztabaidatzeko gunea izango da erakusketa.

Baina ez hori bakarrik. Erakusketak eskutik ekarriko du ekintza sorta zabala ere. Horietako asko, gainera, erakusketako aretoetan gertatuko dira.

Langileak ari dira egunotan Badu Badari hasierako itxura ematen baina bisitariek, badubadalariek, emango diozue forma. Izan ere, erakusketak gaiak jarriko ditu mahai gainean eta zuek zeuen iritzi eta ekarpenez osatuko duzue Badu Bada. Bai San Telmo Museoan baita laster abian jarriko dugun webgunean ere.

Hasi da, beraz, atzera kontua.

10, 9, 8…

Literatur solasaldia /Tertulia literaria

Bakardadea eta memoriari buruzko usainez betetako eleberria izan zen museoko liburutegian burututako lehenengo solasaldi literarioaren protagonista. 40 lagunetik gorak parte hartu zuen Udal Liburutegi Sareak antolatutako jarduera honetan. Solasaldiaren oinarria John Banville-n “El mar” eleberria izan zen, eta bertaratu ziren irakurleen iritziak eta ikuspuntuak azaldu ziren Beatriz Monrealek gidatutako solasaldian. Emakumeak izan ziren patre hartzaile gehienak, baina guztiek aberastu zuten solasaldia bere iritziekin: batzuentzat lan ezin hobea bazen, besteek porrot egindakoa kontsideratu zuten. “Garrantzitsuena ez da maisulana izatea, baizik eta guk, eleberri guztietetatik, zukua ateratzen jakitea”, aholkatu zuen dinamizatzaile lanetan aritutako Beatriz Monrealek.

Literatur solasaldiei buruzko informazio gehiago

“Pagoak mende eta erdi bete ditu orain (…) adarrak zabal-zabal ditu eta, haren gainean argindar kable lodi bat ageri da, lehen enaren hegaldiak zeuden leku berean…”

Pago hori da ondoko baserriko bizimoldeak izan duen aldaketaren lekuko bakarra. Egungo landetxeak belaunaldi askoren bizileku eta lantoki izan dira lehenago ere, baina ez du zer ikustekorik batak bestearekin. Erabat ezberdina da lana, diru-iturria, erritmoa, paisaia, aisia …

Baserrietako aldaketa horren inguruko ikus-entzunezko poema da Berriro igo nauzu. San Telmo Museoaren erakusketa iraunkorrean dago ikusgai, eta berriki sariak jaso ditu nazioartean.

Gaur San Telmon, Euskadi Irratiko 30.urteurrena ospatzeko egindako kamiseta eta spot-a aurkeztu dituzte. Prentsaurrekoan izan dira partaide EITB-ko (Alberto Surio) eta Euskadi Irratiko (Felipe Juaristi) zuzendariak, eta baita Euskadi Irratiko eta kirol munduko hainbat aurpegi ezagun ere; adibidez Txetxu Urbieta, Manu Etxezortu, Ilaski Serrano, Maite Artola o Manu Maritxalar; eta kirol mundutik Oinatz Bengoetxea, Mikel Odriozola, Inaxio Perurena, Mikel Pagadi eta Josune Bereziartu besteak beste.

San Telmo Museoak, egun hautean bizilagun berriak ditu. Museoa bisitatzen duten personek, Itzurun konpartsako erraldoiekin egiten dute topo. Klaustroko zaindariak izango balira bezala, han daude zortziak, bata bestearen alboan arkuek sortzen duten perspektibarekin jolasean. Perspektiba horrek, argazki bitxiak ateratzeko aukera ematen die bisitariei.

Horretaz gain, museora etortzen direnek erraldoi bakoitzaren istorioa ezagutzeko aukera izango dute. Horrela, beren arropen eta objektuen zergatia ere ezagutu ahal izango dute.

Adibidez, emakumezko nafarrak aldar izeneko forru gorria gona gainean eramatearen zergatia. Diotenez,  IX. mendean Erronkaribarreko emakume batek burua moztu zion Abd ar-Rahman I.ari bere dagarekin, eta gonan eraman zuen herriraino. Nafarroako erregeak, haren ausardia saritzeko, Erronkaribarreko emakumeen soinekoaren gona-gainekoa ezarri zuen handik aurrera. Gona-gaineko hori atzetik lotzen da amabitxiarekin.

Ba al zenekiten hori?

]]> http://www.museosantelmo.com/blog/eu/los-gigantes-nuevos-inquilinos-de-san-telmo/feed/ 0 http://www.museosantelmo.com/blog/eu/el-museo-acogio-la-presentacion-del-bera-bera/ http://www.museosantelmo.com/blog/eu/el-museo-acogio-la-presentacion-del-bera-bera/#comments Wed, 29 Aug 2012 09:02:52 +0000 santelmo http://www.museosantelmo.com/blog/?p=1770

Bera Bera eskubaloi taldea, aurkezpenean. Arg: Bera Bera

Kirolari handiz bete zen atzo San Telmo Museoa. Izan ere, Bera Bera eskubaloi taldeak gurean egin zuen atzo 2012/2013 denboraldiko aurkezpena.

Neskek, Matxalen Ziarsolo kapitainaren ahotan, lehiaketa hasteko gogotsu daudela adierazi zuten. Bereziki eman zizkieten eskerrak patrozinatzaileei, zaleei eta inguruko jendeari, baina, hitz bereziak izan zituzten bi taldekiderentzat. Izan ere, Eli Pinedok eta Patricia Elorzak brontzeko domina ekarri dute Londresen izan berri diren Joku Olinpikoetatik.

14 jokalariak eta talde teknikoa igo zen oholtzara eta bertan eman zioten hasiera ofiziala denboraldiari. San Temo Museoak ere, zorterik onena opa die neskei.

Norvegiako delegazioa San Telmo Museoan

San Telmo Museoak Stavanger (Norvegia) hiriko delegazio baten bisita jaso du gaur. Stavanger 2008an Europako Kultur Hiriburu izan zen eta hiriko hainbat aspektu ezagutzen izan dira gaur, Donostia, 2016an, Europako Kultur Hiriburu izango dela eta.

Tartean, San Telmo Museora bisitaldia egin dute, udal museoa izatetik euskal gizartearen museo izatera nola pasa den ikusteko, baita etorkizunerako ze asmo eta desio dauden ezagutzeko ere.

Delegazioko kideek interes handia agertu dute museoaren ibilbidearen inguruan, horren isla, bik museoko bisita liburuan utzitako mezua izan da.