museoaren lagunen elkartea

Bihar, maiatzak 18, Nazioarteko Museoen Eguna dela eta, jarduera bereziak prestatu ditugu San Telmo Museoan ere. Ateak zabalik jardunaldia izango dugu bihar, doako sarrerarekin, eta hainbat jarduera proposatzen ditugu.
Alde batetik, arkitekturari erreparatuko dioten bisita gidatuak. Lau bisita egingo dira egunean zehar, 11:00etan eta 17:00etan euskaraz eta 12:00etan eta 18:00etan gazteleraz. Hauetan parte hartzeko ez da beharrezkoa aurrez izena ematea, eta ordu bakoitzero 100 lagunek parte hartzeko aukera izango dute.
Arratsaldez, 17:00etan hasi eta 22:00ak arte, musika eta dantza emanaldiak izango ditugu basta bestearen jarraian klaustroan, Udal Musika eta Dantza Eskolaren, Francisco Escudero Musika Kontserbatorio Profesionalaren eta Musikene Euskal Herriko goi-mailako musika ikastegiaren laguntzari esker.
Ordu horretara arte, gainera, 22:00ak arte, ezohiko irekiera egingo du museoak, klaustroa eta “Bazterrekoen irudiak” erakusketan sartzeko aukera izango delarik.

Gaur goizean, bestalde, Museoen Egunarekin bat San Telmo Museoaren Lagunen Elkarteak urtero egiten duen dohaintza aurkeztu dugu, kasu honetan “Retrato de Señora con su hijo” mihisea, XIX. mendeko donostiar margolari Luis Brochetón-ena, horrela museoko bildumari gehitzen zaion lana.

Jarduera asko eta anitzak asteburu honetan San Telmo Museoan: erakusketak, bisitak, tailerrak, proiekzioak…

Ohiko eskaintzaz gainera, euskal gizarteari buruzko museoaren erakusketa iraunkorra, badira beste jarduera asko, besteak beste aldi baterako erakusketak, “Federico Fellini. Ilusionen zirkua” eta “Historiaurrearen abentura Gipuzkoan”, bietara sartzeko sarrera doan.

Felliniren erakusketarako bisita gidatuak egingo dira bai larunbatean bai igandean, dohainik. Ez da aurretik hitzordua hartu behar eta ordutegia honako da: 11:00etan eta 17:00etan euskaraz eta 12:30ean eta 18:30ean gazteleraz.

“Historiaurrearen abentura Gipuzkoan” erakusketako familien tailerrerako ere ez da beharrezkoa aurretik hitzordua hartzea baina plaza kopurua mugatua da. Larunbat honetan historiaurreko tekniken inguruko tailerrak egingo dira silex eta hezurrak nola lantzen ziren erakutsiz.

Larunbat arratsaldean, Euskeraren Nazioarteko Eguna ospatzeko, Gotzon Elortzak 50 eta 60ko hamarkadetan egin zituen “Ereagatik Matxitxakora”, “Aberria” y “Elburua Gernika” filmak proiektatuko dira. Emanaldiak 16:00etan, 17:30ean eta 19:00etan hasiko dira, Ekitaldi Aretoan, lekuak bete arte sarrera librea izango da.

Bisita gidatuez gain, igandean, Hileko obra egingo da Ekitaldi Aretoan, 12:00etan. Museoaren Lagunen Elkarteak antolatutako ekintza honetan, Mauro Peñalbak Antonio Soláren “Ceres” eskulturari buruzko hitzaldia emango du. Sarrera librea izango da lekuak bete arte.

Asko eta interesgarria atzo San Telmon, goizetik gauera askotariko jarduerak izan zituen egun batean. Gaur ere,  Museoen Nazioarteko Eguna izanik, jende ugari hurbiltzen ari da museora.

Atzo, 11:00etan, Europar Legebiltzarreko bozeramaileak, Jaume Duch-ek, ekitaldi aretoan hitzaldia eskaini zuen “Europar kolorez” titulua duen zikloaren barne. Ziklo hau Gobernantza Demokratikoaren Institutuak eta San Telmok antolatu dute, Susana del Río koordinatzailea delarik, eta uda ondoren jarraipena izango du.

Duch-en hitzaldian erakunde honen Komunikazio zerbitzuaren berri izan genuen, lanaren bilakaera komunikatzeko modu berrien eraginez, e.a. eta Europa hizpide duten lau blogarik bere bloga aurkeztu zuten. Aretoan, gainera, euskal blogariak ere izan ziren, ekitaldia sare sozialetan ezagutzera eman zutenak.

Jarduera zuzenena jarraitzeko aukera izan zen, streaming bitartez museoaren webgunean emititu baitzen, museoan estrainekoz egiten den lehen streaming saioa.

Arratsaldean, Literaktum jaialdiaren barnean kokatutako bi ekitaldi izan ziren, biak Claude Lanzmann protagonista zutelarik. 17:00etan, “Le rapport Karski”-ren proiekzio izan zen eta, tarte baten ondoren, 19:30etan, “La liebre la Patagonia” liburuaren aurkezpena eta ia gaueko hamarrak arte luzatu zen solasaldi interesgarria.

Gaur, Museoen Nazioarteko Egunean, sarrera dohainik da, webguneko berrien atalean jarri dugun bezala, eta jende asko hurbiltzen ari da museora.

Goizean, gainera, Museoaren Lagunen Elkartean aurten egin duen dohaintza aurkeztu dugu, Alejandrino Iruretaren olio bat mihise gainean, museoarena de “Zelaian” koadroaren bozetoa, sormen prozesua zein den ezagutzeko lagungarria dena.

Museoen Nazioarteko Eguna dela eta, San Telmo Museoaren Lagunen Elkarteak dohaintza bat egiten dio museoari urtero. Azken urteotan, dohaintza zein izango den erabakitzeko, irizpideetako bat San Telmok adierazitako ildoen barne kokatutako lana izatea izan da, euskal egileen bilduma osatzeko helburuarekin.

2010eko edizioan, San Telmo Museoaren Lagunen Elkartearen ekarpena Nicolás Lekuonaren lan batean gauzatu da. Egile honen ezaugarriak direla eta -gazte hil zen eta ez da maiz izaten bere lana erosteko aukerarik-, museoak lan hau bere Arte Ederretako bildumatan izatearen balorazio oso positiboa egiten du. Kartoi gaineko olio hau, “Sin título”, 1933. urtean egindakoa, elkarrekin erosi dute museoak eta Lagunen Elkarteak.

Eskuraketa honekin, San Telmo Museoak artista honen lanaren errepresentazioa osatzen du, aurretik bai baikenituen bere beste bi lan, 1935eko taula gaineko pintura eta urte bereko argazki-muntaia.

Bide batez, lan hau museoak izango duen erakusketa iraunkorraren parte izango dela azpimarratu behar dugu, Arte Ederren atalak Euskal Arteari eskainitako aretoan, Uzelay, Urrutia, Olasagasti eta Riberaren lanekin batera.

San Telmo Museoaren Lagunen Elkarteak, azken urteotako ohiturari jarriki, museoari lan bat emango dio Museoen Nazioarteko Eguna ospatzeko.
Oraingo honetan, José Ramón Anda artista nafarraren eskultura bat da “Ikusmira II” (brontzea 39×28x18 cm.), museoaren fondoei gehituko zaiona, egun hau ospatzeko aurretik lagunek egindako beste dohaintzak bezala, hamabi guztira aurtengoarekin.