liburutegi eta artxibo digitala

San Telmo Museoak, Liburuaren Nazioarteko Egunean, bookcrossing ekimen batean patre hartuko du, beste 25 museo eta arte zentroekin batera

Parte hartzaileek diziplina artistiko desberdinekin lotutako 2.000 liburu “askatuko” dituzte elkarrekin burututako bookcrossing ekimenean, 17 hiritan

Estatuko 26 museo eta arte garaikideko zentroek bihar, apirilak 23, Liburuaren Nazioarteko Eguna, elkarrekin burututako bookcrossing edo “liburuak askatzeko” kanpaina batetan hartuko dute parte, hiriak diziplina artistiko ezberdinei buruzko liburuz betez, zentro bakoitzaren liburutegietan bikoiztuta dauden aleak aprobetxatuz. Partehartzaileek 2.000 liburu “askatzea” aurreikusten dute, bakoitza jarraibideak argitzen dituen etiketaz hornituta, eta www.bookcrossing-spain.com webgunean erregistratua. Hor, irakurleek, ale bakoitza non aurkitu duten idatzi ahal izango dute eta non utzi dute. Ekimen honen helburua museoetako liburutegiek irakurmena sustatzeko ahaleginean ere parte har dezaten da eta, zehatzago, diziplina artisitikoen ezagutzaren hedapenean.

Irakurtzen jarraitu

Museoak folletoen katalogazio eta digitalizazio proiektu bat abian jarri du, Eusko Jaurlaritzaren dirulaguntza bati esker.

San Telmok bere sorreraz aurretik gaur arteko folleto eta esku programak gordetzen ditu bere liburutegian. Proiektu honetarako interesgarrien iruditu zaizkigunak aukeratu ditugu, gutxi barru gure webgunearen bitartez erabiltzaileen eskura egon daitezen.

Dokumentuen artean: San Telmon bere inauguraziotik gaur arte egin diren erakusketen folleto eta esku programak, bai eta hiriko beste udal aretoetan egindakoak ere 1974 arte (zaharrena 1896koa da), hala nola, kultur ekitaldi ezberdinetarako gonbidapenak, araudiak eta beste eratako folletoak.

San Telmok, 2008an, museoaren Gobernu Batzorearen akta liburuen digitalizazioa amaitu du. Proiektu honi esker, Gipuzkoako Foru Aldundiaren laguntza jaso duena eta 2007an abian jarri zena, liburu hauen kontsultak errazten dira. Izan ere, museoari buruzko informazioaz gainera, Donostiako 1899 eta 1982 urteen bitarteko bizitza kulturalari buruzkoa ere aurki daiteke bertan. Gainera, gure webgunean erabiltzaileen eskura jarri ditugu.