dokumentazioa

Hormigoizko diseinuak erakusketa kolektibo honek material honekin egindako dekorazio piezak biltzen ditu, mahaiak, aulkiak, lanparak, bitxiak… baita testura, kolore eta amaiera anitzeko beste zenbait objektu ere.

Bertan erakusten den obra bakoitzak artistaren araberako linea pertsonala eskaintzen du, guztiak kontu handiz eta soiltasunez egindako pieza bakarrak izanik.

Horien artean Álvaro Ledesma eskulturgile eta margolari euskaldunaren mahai bat dago besteak beste.

Erakusketa honek hormigoia, denbora luzean zehar estetika urbano eta post-industrial bati lotua egon dena, material ultramoderno gisa aldarrikatu nahi du, arkitekturari eta diseinuari forma ematen laguntzen diona, batez ere bere azken berrikuntza teknologikoen ostean. Erakusketa ekainaren 13rarte egongo da ikusgia Museum Cemento Rezolan, asteartetik igandera, 10:00etatik 14:00etara.

Dokumentuen artean nabarmentzekoak dira akuarelen koaderno bat, orain arte argitaratu gabea; Britainiako boluntario liberalen litografiekin osatutako album batzuk; eta azkenik, lehen aldiz, Charles Henningsen boluntario karlistaren akuarelak.

Erakusketan bildutako irudi eta dokumentu guztiak, Gipuzkoako Foru Aldundiaren bildumakoak dira eta Ondare eta Kultur Sustapen eta Hedapeneko Zuzendaritzaren elkarlanaren fruitu da, izan ere, erakusgai dauden dokumentuak, Zumalakarregi museoan eta artxiboetan gordeta bait daude.

Erakusketa hau apirilaren 30 arte zabalik izango da Koldo Mitxelena Kulturuneko Ganbaran, asteartetik larunbatera 11:00-14:00 eta 16:00-20:00etara.

San Telmo Museoko langile batzuk berriki Oñatira gerturatu ziren Anton Azpiazu elkarrizketatzeko, antzinako Zahor lantokiko langilea –gaur Natra Zahor-.Azpiazuren testigantza museoaren dokumentazio artxiboan gordeko da, museoari eman eta dohaintzan utziko dizkion objektuez gain -besteak beste txokolateak egiteko erabili ohi ziren moldeak-, gure memoria historikoko atal hau ilustratzeko balioko dutenak.

Azpiazuk 2008an “Kakaoaren iluntasuna eta txokolateraen magia Oñatin” izenburuko liburua argitaratu zuen gazteleraz, ondoren euskarara, ingelesera, katalanera eta alemanera itzuli dena. Bertan, Oñatik XVII. mendeaz geroztik txokolatearen inguruan duen tradizioa jasotzen du –han egon dira Chocolates Orbea, Maiztegui, Guereca eta Onena-, beste hainbat datu interesgarrirekin batera.

Anton Azpiazu Klax Oñatiko Txokolateroak Elkartearen bultzatzaileetako bat da, 2005ean sortua, eta Txokolateixie martxan jarri zuen herri honetan, informazio, erakusketa, dastaketa eta produktuen salmentarako gunea.