STMnoticias » donostiako museoen sarea

Donostiako Museoen Sarea, Valenciako DEAC jardunaldietan

santelmo — Tue, 01 Jun 2010 12:12:43 +0000

Donostiako Museoen sareak ponentzia bat aurkeztu berri du maiatzaren 27tik 29ra bitartean “Museos, espacios para compartir” izenburupean Valenciako IVAMean egindako museoen DEAC (Departamentos de Educación y Acción Cultural) direlakoen 16. jardunaldietan.

Museum Cementos Rezolako Amaia Llorente izan zen Donostiako Museoen Sarearen izenean (aipatutako Rezolak, Aquariumek, Chillida Lekuk, Elizbarrutiko Museoak, Real 100 Museoak , San Telmok, Untzi Museoak eta Zientziaren Kutxaguneak osatua) aurkezpena egin zuena, sareko beste museo gehienetako ordezkariak ere bertan zeudelarik. Sarearen ponentziak, “La red de museos de Donostia-San Sebastián: sueños y realidades” izenburuarekin, oso harrera ona izan zuen, beste museoek osatutako sareentzako elkarlan esperientzia gisa oso baliagarria iritzi baitzuten jardunaldietako parte hartzaileek.

Donostiako Museoen Sareak Museoen Nazioarteko Eguna ospatzen du

santelmo — Fri, 14 May 2010 12:42:29 +0000

Gaur goizean aurkeztu da Donostiako Museoen Sareak aurtengo Nazioarteko Museoen Eguna dela eta antolatutako jarduera, prentsaurrekoan.

Sareak antolatutako jarduera bihar, larunbatean, burutuko da Gipuzkoa plazan, 18:00etatik aurrera. Bertan, Sebastopoleko Titiriteroek Museoen Olinpiada antzeztuko dute eta, gainera, 16:00etatik olinpiadaren hasiera arte, hurbiltzen direnen artean museoetara dohainik sartzeko aukera ematen duten 100 pasaporte banatuko dira, froga txiki bat eginez gero.

Aurkezpenean, bihar elkarrekin egingo ditugun jarduerez gain, museo bakoitzak maiatzaren 18a dela eta antolatutako ekitaldien berri eman da.

Informazio gehiago, hemen.

Museoen sarea Ekimen Ozeanikoetan

santelmo — Wed, 17 Mar 2010 17:00:26 +0000

Martxoaren 18tik 21era, Donostiako museoen sareak (Donostiako Elizbarrutiko Museoa, Museum Cemento Rezola, Aquarium, Untzi Museoa, San Telmo Museoa, Chillida Leku Museoa, Zientziaren Kutxagunea, Real100) Ekimen Ozeanikoak direla eta jarduera bat antolatu du.

Programa ekologikoa Liburutegi Nagusiaren San Jeronimo Kaleko aretoan egingo da eta Surfrider Fundazioak bultzatua izan da, Donostia 2016an Europako Kultur Hiriburu izateko jardueren barruan kokatzen da.

Ekimena Donostiako hondartzetan jasotako hondakinekin erakusketa bat egitean datza. Horretarako, erakusketak eskatzen dituen pausoak jarraituz Hondakinaren Museoa sortuko dute parte hartzaileek.

Prozesua fasetan antolatuta egongo da eta ikasleak talde ezberdinetan banatuta prozesuen partaide izango dira. Talde bakoitzak fase bakar batean lan egingo du eta horrela taldeka lan egiten ikasiko dute.

Bukatzeko, ekimena publiko orokorrarentzat irekiko den erakusketa batean aurkeztuko da. Inaugurazio egunean, martxoaren 21ean, gure museoa Haizearen Orrazian kokatuko da eta Sebastopoleko Titiriteroetako aktore batek eguna alaituko du.

Ekimen honi buruzko informazio gehiago: Donostia 2016.

Erakusketaren luzapena Untzi Museoan

santelmo — Mon, 01 Mar 2010 11:08:17 +0000

Gipuzkoako Foru Aldundiarena den Untzi Museoan ikusgai dagoen “Euskaldunak eta Pazifikoa. Andres Urdanetaren omenez” izeneko erakusketa 2011ko urtarrila arte luzatuko da.

Erakusketa honek Ozeano Barean izandako euskal presentziaren historiaren ikuspegi panoramikoa ematen du ezen, besteak beste, Filipinar uharteetan, Japonen, Amerikako kontinenteko mendebaldeko kostalde inguruan eta Txina hegoaldeko kostaldeko lurretan gauzatu zen. Erakusketak euskaldunek nabigazio eta merkataritzarako ibilbide berriak esploratzen eta deskubritzen betetako eginkizun garrantzitsua azaltzen du. Era berean, ekonomian, zientzia eta kultur arloan, administrazioan eta erlijio kontuetan izan zuten jarduera bizia ere azaltzen du. Garapen kronologikoak XVI. mendetik, hots, deskubrimenduen garaitik (atal batzuk Juan Sebastian Elkano, Andres Urdaneta eta Migel Lopez de Legazpiri daude eskainita) gaur egun arte hartzen du, eta Asiarekiko merkataritzako trukeak eta jatorri horretako etorkinak Euskal Herrira iristea aipatzen ditu.

Museoko funtsez gain, beste museo, zentro eta jabe pribatuen piezak daude erakusgai; hala nola piezak utzi dizkigute Valladolideko Museo Orientalak, San Telmo Museoak, Ibero-Oriental Frantziskotarren Artxibategiak, Gipuzkoako Agiritegi Orokorrak, Kutxa Fundazioak, Usurbilgo parrokiak eta Zumarragako, Ordiziako eta Getariako Udaletxeek. Bisitaldia audiogiden bitartez ere egin daiteke.

Argazki erakusketa Chillida-Lekun

santelmo — Fri, 26 Feb 2010 13:47:03 +0000

Con motivo del 10º aniversario de su inauguración, el Museo Chillida-Leku ha inaugurado Zabalaga, poesía y construcción, una exposición fotográfica que narra la historia de la reconstrucción del caserío Zabalaga a partir de las imágenes de Giuliano Mezzacasa (Italia, 1938). Con su cámara, el fotógrafo ha sabido captar la personalidad del edificio y la poética implícita en el proceso de trabajo del escultor. Poesía y construcción son igualmente ingredientes de las imágenes de Giuliano Mezzacasa. Testigo directo de la reconstrucción de Zabalaga, el fotógrafo tuvo la oportunidad de retratar el proceso en total libertad. Unas fotos del Peine del Viento realizadas en 1977, justo después de la instalación, propiciaron que el escultor le invitara a la finca de Zabalaga, primero a fotografiar las esculturas que aquí se encontraban a la espera de viajar a sus próximos destinos, y luego, cuando en 1993 se empezó la reconstrucción, pudo seguir muy de cerca la rehabilitación del edificio.

Las imágenes que componen la exposición han sido seleccionadas por el propio fotógrafo, escogiendo lo que más le atrae pero respetando la cronología de la recuperación del caserío que muestra lo más representativo a sus ojos de cada momento. Se puede visitar en Chillida-Leku hasta el 24 de mayo.

Chillida-Leku inauguratu zela 10 urte betetzera doaz, eta, ospakizun gisara, Zabalaga, poesia eta eraikuntza erakusketa antolatu du museoak. Zabalaga baserria berreraikitzeko lanen historia kontatzen duen argazki erakusketa bat da, Giuliano Mezzacasaren irudietan oinarritua (Italia, 1938). Izan ere, kamera eskutan hartu eta ezin hobeto islatu ditu argazkilariak bere irudietan eraikinaren nortasuna eta eskultorearen lanari atxikitako poetika. Poesia eta eraikuntza Giuliano Mezzacasaren irudien osagaiak ere badira, era berean. Zabalagaren berreraikuntzaren zuzeneko lekukoa izan zen Mezzacasa, eta aukera izan zuen prozesua erabateko askatasunez argazkitan jasotzeko. 1977an Haize Orraziari ateratako argazki batzuei esker, lan hura bere kokalekuan instalatu eta denbora gutxira, eskultoreak Zabalagara joateko gonbita egin zion, hasieran, kokalekura eraman aurretik baserrian zain zeuden eskulturei argazkiak atera ziezazkien, eta aurrerago, 1993an berreraikuntza hasi zenean, eraikinaren birgaitze lanei bertatik bertara jarrai ziezaien.

Erakusketako irudiak argazkilariak berak hautatuak dira; erakargarrien iruditzen zaizkion argazkiak aukeratu ditu, baina baserria lehengoratzeko lanen kronologia errespetatuta, betiere, eta unean uneko ezaugarri adierazgarrienei erreparatuz. Erakusketa Chillida-Leku museoan ikus daiteke maiatzaren 24a bitartean.

Real100 Museoa, Donostiako Museoen Sarean

santelmo — Wed, 03 Feb 2010 14:56:30 +0000

Real100 Museoa Donostiako Museoen Sarearen partaide da orain. Berarekin, zortzi dira sare honetako kideak. Sareak elkarlana eta elkar ezagutza sustatzea ditu helburu, museoen eta hauen langileen artean, baita baliabideei etekin handiagoa lortzea eta hainbat eskaintza batera egitea ere.

Real100 Museoa, Real Sociedad-en museoa, 2009ko irailaren 7an inauguratu zen, klubaren sorreraen 100. urteurrenean. Anoetako estadioan kokatua dago eta bere erakusketa iraunkorrean Realaren funtsak ditu ikusgai, hala nola bilduma partikular eta instituzionaletakoak ere, klubaren historia modu oso bisualean kontatuz, eszenografia berritzaile batez lagunduta. Futbola da museoaren ardatza, baina klubak parte hartzen duen beste kirolak ere aintzat hartzen ditu.

Museoak estadioaren bisita egiteko aukera ere eskaintzen du. Bere webgunean ordutegiak eta prezioak ikus daitezke.